Сопственикот на кошаркарскиот клуб Панатинаикос, Димитрис Јанакопулос, е казнет од Евролигата со 100.000 евра за изјави на социјалните мрежи.
„Казната беше изречена поради коментарите што ги даде во кои го критикуваше судењето, навредуваше други клубови, поединци и самата организација на Евролигата, што е спротивно на Дисциплинскиот правилник на Евролигата“. објави Евролигата на својата официјална веб-страница.
Евролигата истакна дека „не толерира вакво однесување и оти интегритетот на натпреварувањето мора да се зачува, а слични прекршувања во иднина, исто така, ќе бидат строго санкционирани“.
Казната дојде ден пред решавачкиот петти натпревар од плејофот на Евролигата за место во фајнлфорот меѓу Панатинаикос и Ефес што вечерват реба да се одигра во Атина.
