На планините на Босна и Херцеговина измерени се минус 27 степени, што е најниска температура на Балканот.
Студен бран деновиве го зафати и брегот на Јадранското море.
Во Сплит беше измерена температура од минус 7 степени, што е најниска во последните 50 години.
Последна ваква поларна температура имаше во јануари 1963 година. Тогаш биле измерени минус девет.
Поради ниските температури и силните бури замрзна морето кај полуостровот Свети Петар.
Во реонот на Макарска дува ветер со брзина од 90 километри на час, а температурата се спушта до минус седум степени.
Во две села во Германија измерени се температури од – 26, додека во Берлин термометарот покажуваше минус 15.
И Швајцарија е погодена од поларен студ. Во Давос измерени се -19, а во Берн -16 степени.
Ниски температури измерени се и во Грција. Во Солун утринава беше минус седум, а за утре метеоролозите предводуваат дека ќе биде минус 10.
Во Атина температурата е околу нула, а во северните делови живата се спушти на 15 степени под нулата.
Студениот бран ги зафати Полска, Белгија и Италија, каде поради ниските температури има човечки жртви.
Во Италија вчера од премрзнатост починаа шест лица. Во делови од земјата летовите се пренасочени, а патниот и железничкиот сообраќај се во прекин.
Московјани имаат најстуден Божик во последните 120 години.
Таму вчеравечер беа измерени минус 30 степени.
Во Турција врнежите од снег го блокираа Истанбул.
Поради лошите временски услобви откажани се 500 авионски летови, а во прекин е и поморскиот сообраќај.
Снежната покривка во градот на Босфор достигна до 40 сантиметри.