Петмина археолози од Универзитетот во Стразбур дојдоа до најново откритие – во древна египетска гробница стара повеќе од 3.500 години тие пронајдоа два саркофази со мумии во „совршена состојба“.
Гробницата е во долината на Асасиф кај градот Луксор, пренесе Би-Би-Си.
Генералниот секретар на Врховниот совет за антиквитети, Мостафа Вазири изјави во саботата на конференција за новинари дека археолозите до најновото откритиа дошле во текот на работите на таа локација кои ги отпочнале во март.
Во текот на археолошките ископувања во истата гробница пронајдени се и околу 1.000 погребни статуи.
Експертите сметаат дека гробницата и припаѓа на 18-та египетска династија, која владеела од 1550 година пред нашата ера до околу 1300 година пред нашата ера.
Пред две недели, во неодамна откриените древни гробници близу до Каиро, археолозите пронајдоа колекција на мумифицирани мачки, стара повеќе од 4.000 години.
Тогаш се откриени вкупно седум саркофази во просторот на пирадималниот комплекс на кралот Усеркаф, а три меѓу нив содржат мумии на мачки.
Планирано е продолжение на истражувањето на неодамна откриената локација во Сакара, каде што археолозите пронајдоа врата која води во друга гробница, која е и понатаму запечатена, а која планираат да ја отворат во следните недели.
Луѓето, инаку, во древниот Египет биле мумифицирани за нивните тела да бидат сочувани за живот после смртта, додека животните се мумифицирале заради принесување на жртви на боговите.
