Филмот што ќе се снима во два дела, со оригинално име „Рандамоозхам“, со ветеранот Моханлала во главтата улога, ќе чини околу 140 милиони евра.
Главен финансиер на проектот е БР Шети од Обединетите Арапски Емирати.
„Рандамоозхам“ е адаптација на истоимениот роман на индискиот автор и сценарист Васудеван Наиро.
Романот е, всушност, реинтерпретација на поетскиот еп „Махабхарата“.
Филмот ќе биде снимен на англиски, тамилски и на јазиците хинду, малајалам, канада и телугу.
„Махабхарата’ е еп над сите епови. Верувам дека овој филм не само што ќе постави глобални стандарди туку и ќе ја репозиционира Индија и нејзината сила во митолошко проповедање. Уверен сум дека филмот ќе биде преведен на преку 100 јазици и ќе доспее до преку три милијарди луѓе ширум светот, истакна Шети во изјавата.
Филмот ќе го режира Шрикумар Менон, кој за „Њу Индија експрес“ изјави дека на проектот ќе работат уметници наградени со Оскари.
„Преговараме со најдобрите на светот од филмската дејност. Целта ни е ова да биде филм за глобален пазар“, изјавил Менон.
Епот „Махабхарата“ е адаптиран за филм и ТВ неколку пати до сега. Низ годините, на малите и големите екрани, се емитувани верзии на хинди, телугу и на тамилски, додека познатиот театарски режисер Питер Брук во 1985 година направи деветчасовна верзија на англиски, подоцна преточена во мини серија.
Брук минатата година повторно и се врати на „Махабхарата“ со нова адаптација.
Се очекува снимањето на филмот „Рандамоозхам“ да почне во септември следната година, а првиот дел да стигне во кината во почетокот на 2020 година.
Потполната верзија на епот содржи повеќе од 100.000 стихови, правејќи го два пати подолг од Библијата и седум пати подолг од Илијада и Одисеја заедно.