Меѓународната атлетска федерација (ИААФ) ги соопшти имињата на кандидатите за најдобри атлетичари и атлетичарки во 2018 година.
Кандидатите на најдобар атлетичар на годината се Американецот Крис Колмен, светски шампион во сала и светски рекордер на 60 метри, Швеѓанецот Арманд Дуплантис, европски првак во скок со стап, како и Кениецот Елијуд Кипќпге, светскиот рекордер во маратон.
Покрај тие тројца кандидати се и светскиот рекордер во десетобој и светскиот шампион во сала во седмобој, Французинот Кевин Мареј и Андерахман Самба од Катар, кој оваа година е непоразен во девет финалиња на 400 метри со пречки и кој постави најдобро време на светот од 1992 година.
Во женска конкуренција кандидатки за најдобра атлетичарка се Британската Дина Ашер Смит, европска шампионка на 100, 200 и 4х100 метри, Кенијката Беатрис Чепкоеч, светска рекордерка на 3.000 метри стиплчез, како и Колумбијката Катарина Ибаргуен која е непоразена во осум финалиња во троскок.
На списокот се и спринтерката од Бахамите Шона Милер-Уибо и Белгијанката Нафисту Тијам, европска шампионка во седмобој.
Најдобрите атлетичари во 2018 година ќе бидат прогласени на 4 декември во Монако.
