Првото израелско свемирско летало кое би требало да слета на Марс ќе биде лансирано во декември, најавија од иницијативата „СпејсИЛ“.
Израелските медиуми пренесуваат дека постои план леталото да слета на Месечината на 13 февруари, после двомесечно патување.
Иницијативата „СпејсИЛ“ учествува во натпреварувањето на Гугл да се приземји прво приватно финансирано вселенско летало без екипаж на Месечината.
Изградбата на леталото почнала во 2013 година во соработка со израелската Аеровселенска индустрија. Тоа ќе биде лансирано на ракетата „Фалкон 9“, а од неа ќе се одвои на висина од 60.000 километри над земјата и ќе влезе во орбитата.
„Ова ќе биде најмало летало кое некогаш до сега слетало на Месечината. Има пречник од два метра и високо е само метро и половина. При лансирањето леталото ќе тежи 585 килограми, а на слетување само 180 килограми, затоа што ќе има потрошено поголем дел од горивото“, изјави Идо Антеби, директор на „СпејсИЛ“.
Во „СпејсИЛ“ постои уверување дека Израел ќе биде четвртата држава на светот, после САД, Русија и Кина, која ќе испрати вселенки брод на Месечината.
Иницијативата, освен технолошко дотигнување, има за цел да го поттикне интересот за вселената и науката меѓу Израелците, посебно кај младите генерации и да ги охрабри да студираат технички науки и математика.
„СпејсИЛ“ е основана во 2010 година од тројца млади инжењери заради учеството на натпреварот спонзориран од компанијата Гугл, која дава награда од 20 милиони долари на натпреварувачот или група натпреварувачи која ќе приземји летало на Месечината.
Леталото, меѓутоа, ќе има и научна мисија, да ја открие тајната на магнетизмот на карпите на Месечината. Тој дел од програмата се работи во соработка со Научниот институт Вајцман во Реховот.
