Рускиот министер за земјоделство вчера изјави дека Москва испратила 200.000 тони жито во шест африкански земји, бесплатно, како што во јуни ветил претседателот Владимир Путин.
„Русија им даде по 50.000 тони на Централноафриканската Република и Сомалија, а по 25.000 тони на Мали, Буркина Фасо, Зимбабве и Еритреја“, реферирал министерот Дмитри Патрушев на средбата со Путин, пренесе Кремљ.
Путин го вети житото на состанокот со африканските лидери во јуни, откако Русија се повлече од договорот што ѝ дозволуваше на Украина да извезува жито од пристаништата на Црното Море.
Договорот, познат како Црноморска иницијатива за жито, доведе до пад на цените на глобалниот пазар, но Путин тврди дека жито не добиваат земјите на кои им е најпотребно.
Патрушев истакнал дека Русија во сезоната 2023/2024
планира да извезе до 70 милиони тони жито. Минатата година, рекол, биле извезени 66 милиони тони во вредност од речиси 16,5 милијарди долари. Сезона 2023/2024. почна на 1 јуни 2023 година и трае до 30 јули 2024 година.
