Ако некој пред само неколку години предвидуваше победа на комунистите во Грац, вториот најголем австриски град, би го прогласиле за налудничав, а се случи токму тоа. Комунистите кои до сега на изборите добиваа еден или два отсто, триумфираа во градот познат по трговијата и најавија силен притисок на меѓународните мултинационални компании и пониски цени за наем на станови.
Шефицата на Комунистичката партија на Австрија, Елке Кар, ќе биде првата жена на должност градоначалник на Грац, а досегашниот Зигфрид Нагл од Народната партија на канцеларот Себастијан Курц експресно си поднесе оставка.
Грац, на тој начин, би можел да биде исклучиво во женски раце, ако дојде до коалиција со социјалистите кои ги предводи Јудит Швентнер, инаку неверојатна заменичка на градоначалничката.
Австриската шопинг оаза во која доаѓаат Срби, Хрвати и Словенци станува првиот град во овој дел од Европа во кој повторно владеат комунисти. И богатите Австријци очигледно бараат некоја нова распределба на тоа богатство, па Елке Кар самоуверено објаснува дека другите партии даваат ветувања непосредно пред избори, а комунистите се тука, секој ден и секоја година за луѓето, пред се најсиромашните. Таа реторика очигледно имаше успех кај 220.000 жители на Грац. На поразените фаворити сега им преостанува само чудење дека дури една третина од гласачите го заокружи бројот на Комунистичката партија.
Шефицата на победничката КП има долг стаж во локалната политика, беше заменик на градоначалникот, па од својата плата која изнесувала 10.000 евра задржувала помалку од 2.000, а останатото го распределувала на сиромашните. Секоја седмица примала барем 150 граѓани во својата канцеларија, а помогнала да се решат околу 20.000 предмети кои ги мачеле жителите на Грац.
Елке Кар е посвоено дете, долго работела во банка и истовремено одела во трговска академија. И сопругот и е комунист, а политиката ја учела од ветеранот Ернест Калтенегер, експерт за станбена политика кој ја нагласуваше важноста на ефтин покрив над глава. Таа важи за сериозна и коректна политичарка на која луѓето и веруваат, подготвена на дијалог и жена која се згрозува од тешки зборови на навреда.
Поразените признаваат дека иднината на австриската политика е решавање на секојдневните проблеми на граѓаните, а социјалистите, пак, велат: „Гласачот е секогаш во право, ни се допаѓало тоа нам или не“.
И додека комунистичките пароли во другите австриски покраини, како што е Тирол, луѓето ги остават ладни, во Штаерска ги прифатија комунистите кои немаат ретровизор во програмата и не се враѓаат на доктрините на Маркс, Енгелс и Ленин. Тие пред се граѓаните ги воодушевуваат со хумана станбена политика.
(Извор: Новости / Фото: ЕПА)
