Често безгрижно фрламе некои работи од дома за кои не ни знаеме колку се корисни. Меѓу нив е и кората од портокал, односно прашок кој се добива со дробење дехидрирани лушпи, што е важна состојка во производите за нега на кожата.
Важно е да знаете дека кората од портокал содржи многу витамин Ц, но и повеќе влакна, калциум, витамин А во споредба со другите овошја… Богата е со различни растителни соединенија кои имаат антиоксидантни и антивоспалителни својства. Ефикасно и нежно ја чисти кожата, а бидејќи има моќ да ги намалува порите и да го контролира маслото, се покажа како особено корисен за луѓето со мрсна кожа бидејќи го „отстранува“ вишокот на себум.
Покрај тоа, пудрата од кора од портокал е одлична за природен пилинг, бидејќи има малку зрнеста текстура. Може да помогне во отпушување и прочистување на порите, правејќи ја површината на кожата помазна.
Прашокот од кора од портокал, полн со витамин Ц, е одлично средство против пигментацијата.
Се користи и како благо средство за белење. Со редовна употреба ќе ги осветлите сите траги од пигментација, флеки и лузни од акни. Го контролира себум, односно неговото производство на кожата, со што се намалува можноста за појава на акни и митесери. Затоа, станува суштинска состојка во рутината за нега на секој човек со мрсна кожа.
Прашокот од кора од портокал има својства против стареење. Содржи хемиски соединенија (лимонен, линалол, цитронелол…) кои му даваат антиоксидантни својства, што го прави одлично средство за забавување и спречување на стареењето.
Покрај тоа, ја подобрува циркулацијата на крвта и го зголемува производството на колаген, давајќи ѝ на кожата младешки изглед и сјај. Затоа, следниот пат кога ќе сакате да фрлите кора од портокал, особено непрскана или нетретирана, запомнете за што може да се користи и зошто заслужува важно место во вашата дневна рутина.
