Ко-основачот и извршен директор на Крипто.ком (Crypto.com), Крис Маржалек, најави нов бран отпуштања од вработените, што ќе ја намали глобалната работна сила за дополнителни 20%, наведувајќи ги како причина лошите пазарни услови и „неодамнешните настани во дејноста“.
„Денес донесовме тешка одлука, за да ја намалиме нашата глобална работна сила за приближно 20%,“ рече Маржалек.
„Сите засегнати вработени се веќе известени.
Овие намалувања на ниту еден начин не се поврзани со исполнувањето на работните обврски и ја изразуваме нашата најдлабока благодарност за сите нивни придонеси во Крипто.ком“.
Маржалек вели дека неколку фактори влијаеле на нивната одлука, вклучувајќи ги и „тековните економски прашања и непредвидливите случувања во дејноста“.
Крипто менувачницата најави мали отпуштања во јуни, намалувајќи 5% од својата работна сила. Тогаш отказни решенија добија околу 260 луѓе.
Маржалек истакна дека сметал оти со минатогодишните отпуштања се надмине макроекономската криза, но не го зел предвид колапсот на крипто берзата ФТХ во ноември, што според него „значително ја наруши довербата во дејноста“.