Независниот синдикат на камионски транспортери (МАКАМТРАНС) и Независниот синдикат на градежните работници, инженери и трговци во градежништвото (НСГРИТГ) денеска побараа да се формира Координативно тело каде работниците ќе може да ги пријавуваат евентуалните кршења на работничките права.
Претседателот на Независниот синдикат на камионски транспортери (МАКАМТРАНС) Страшо Јованов изјави дека целта за формирање на едно вакво тело е да се одважат работниците да ги пријавуваат кршењата на работничките права.
Координативното тело би функционирало во рамки на Министерството за труд и социјална политика, а во него, како што посочи Јованов, би членувале заменик-министерот за труд, директорот на Трудовиот инспекторат, претседателот на Економско-социјалниот совет, претседателот на МАКАМТРАНС, претседателот на НСГРИТГ, експерт од областа на работните односи и претседателот на бизнис конфедерацијата.
