Македонија следната сезона ќе има три претставници во АБА-2 лигата.
Освен шампионот МЗТ Скопје и вицешампионот Пелистер, во Јадранската лига ќе игра и екипата на Работнички, која го освои третото место во македонската лига.
Веќе се познати и шеширите за новата сезона, која ќе се игра по нов формат, со четири групи со по четири екипи и со натпревари дома-гости.
МЗТ Скопје, се најде во првиот шешир заедно со екипите на Подгорица, Војводина и Златибор.
Во вториот шешир нема македонски претставник, а го сочинуваат Борац, Хелиос, Широки и Сутјеска.
Во третиот шешир освен вицешампионот на Македонија, Пелистер, се и екипите на Босна, Цедевита јуниор и Илирија.
Четвртиот шешир го сочинуваат екипите кои добија специјална покана, а освен Работнички, тука се и Шибенка, Вршац и Теодо
