Државниот завод за статистика соопшти дека бројот на туристи во март 2017 година изнесувал 43.033, а бројот на ноќевања 91.532.
Бројот на туристи во март годинава, во однос на март лани, е намален за 3,5 отсто, а бројот на ноќевања е намален за 3,2 отсто.
Бројот на домашни туристи во март 2017 година, во однос на март 2016 година, е намален за 4,3 отсто, а бројот на странски туристи е намален за 3,1 отсто.
Бројот на ноќевања на домашните туристи во март 2017 година, во однос на март 2016 година е намален за 11,6 отсто, а бројот на ноќевања на странските туристи е зголемен за 3,2 отсто.
Во периодот од јануари до март 2017 година, во однос на истиот период од претходната година, бројот на туристите е зголемен за 6,9 отсто и тоа: кај домашните туристи има зголемување за 6,8 отсто, а кај странските има зголемување за 6,9 отсто.
Во првите три месеци од годинава, во однос на истиот период од лани, бројот на ноќевања е зголемен за 5,6 отсто.
