Германците имаат најголемо лично богатство во Европа, покажува швајцарската студија објавена денес. Личното богатство на Германците се проценува на околу 16,4 трилиони евра, а втора на листата е Франција со 12,6 трилиони евра. Велика Британија и Италија имаат по 10 трилиони, според „тинк-тенк“ организацијата РФС (Redesigning Financial Services) од Цирих.
Расте јазот меѓу богатите и сиромашните
Личното богатство во овие земји се зголеми во 2020 година, во првата година од пандемијата, и покрај падот на БДП.
Со студијата се опфатени 16 земји од Европската унија и Швајцарија. Додека БДП падна за 6,4 отсто во 2020 година, личното богатство порасна за 3,9 отсто на рекордни 69 трилиони долари во историјата.
Ова покажува дека јазот во богатството меѓу богатите и сиромашните расте, а авторите на студијата велат дека тоа е тренд кој ќе продолжи.
Според Европскиот извештај за богатство, Германија има најмногу милионери, 2,9 милиони, а Велика Британија и Франција по 2,5 милиони. Швајцарија пропорционално според бројот на жители има најголем број милионери. Дури 14,1 отсто од Швајцарците се милионери.