Во повеќе градови, и на планините, утрово беа измерени минусни температури. Најниска беше температурата на Попова Шапка -12 степени, во Маврово беа измерени -7 степени, во Берово и Крушево -6, во Дебар -4, во Струмица и во Охрид -3, во Прилеп, Претор и Крива Паланка -2, во Битола и Виница -1, во Куманово, Штип и Тетово 0 степени, во Скопје еден степен, во Демир Капија, Дојран и Гевгелија два степени.
Најмногу снег има на Попова Шапка 76 сантиметри, во Маврово 16, во Лазарополе 10, во Крушево шест и во Ѓуриште три.
Утрово на повеќе места е значително облачно, а делумно намалена облачност има во јужните делови.
Времето денеска ќе биде променливо облачно и студено, наместа со сончеви периоди. Ќе дува слаб до умерен ветер од северозападен правец. Максималната температура ќе биде во интервал од 1 до 9 степени.
Во Скопје ќе биде променливо облачно, попладне облачноста ќе се намали. Ќе дува слаб до умерен ветер од северозападен правец. Максималната температура ќе достигне 5 степени.
