Премиерите на Македонија и Грција, Зоран Заев и Алексис Ципрас на 17 мај ќе се сретнат на маргините на самитот ЕУ-Западен Балкан, што ќе се одржи во Софија. Вниманието на јавноста во двете земји е фокусирано на претстојната средба, која како што најави македонскиот премиер, ќе биде мошне важна во процесот на обновените преговори за решавање на спорот за името.
Заев нагласи дека времето е кратко и дека се појавуваат информации дека се ќе се реши на 17 мај, но не е така, бидејќи суштински е делот што е останат за разговори.
Воздржан оптимизам за можноста за решение во пресрет на средбата на двајцата премиери вчера изрази и грчкиот алтернативен министер за надворешн работи, Јоргос Катругалос.
На средбата Заев-Ципрас и претходеше интензивна недела на преговори, во рамки на која се очекуваше да се отворат спорните прашања, пред се опсегот на употреба на името, но и барањето на Грција за измени во македонскиот Устав.
Меѓутоа по последниот состанок на шефовите на дипломатиите на двете земји Никола Димитров и Никос Коѕијас со медијаторот на ОН Метју Нимиц, кој се одржа во Сунио викендов, а кој траеше речиси шест часа, не беа изнесени детали од разговараното.
ИЗВОР:ТВ24
