Најголемите светски производители на автомобили, вклучувајќи ги и германските, во првиот квартал забележаа голем пораст на прометот, но со продажбата и добивката тоа не се случи, заради што заработката ослабе.
Консултантите на компаниите им препорачуваат поголема дисциплина во трошоците.
Прометот во првите три месеци од 2023 година се зголеми за 19 отсто во однос на првиот квартал од минатата година, но добивката, без камати и даноци, порасна со стапка од само 6,1 отсто, според консултантската компанија „Ернст и Јанг“ (Ernst & Young, EY). Продажбата се зголеми за само четири проценти. Профитабилноста, пак, падна од девет на осум проценти.
Меѓу 16-те производители кои ги анализираше „ЕЈ“, новиот лидер по маржата беше „Мерцедес“.
Со разлика меѓу производната и продажната цена од 14,7 отсто, фирмата од Штутгарт зад себе ги остави „БМВ“ со 14,6 отсто и концернот „Киа“ со 12,1 отсто.
„Тесла“, која претходно водеше, сега е четврта, со разлика од 11,4 проценти.
„За прв пат од почетокот на 2021 година, гледаме јасни знаци на ерозија на добивката, која повеќе не расте толку силно како прометот“, рече експертот на „Ерик и Јанг“ за Западна Европа, Константин Гал.
Пазарот, додаде Гал, се нормализира.
„Новиот автомобил наскоро повеќе нема да биде толку ретка стока како што беше минатата година“, па на производителите ќе им биде се потешко да ги диктираат цените на пазарот и да избегнуваат попусти.
„Времето на маржите од соништата во некои компании наскоро ќе заврши“, заклучи Гал.
(Фото: „Аутомотив НЕ)
