На првата наредна седница Владата ќе донесе одлука за дополнителни директни плаќања за произведено и продадено откупно грозје во домашните регистрирани винарски визби, а висината ќе биде определена на самата седница во наредните неколку дена.
Ова го најави денеска министерот за земјоделие Љупчо Николовски во Каварадрци.
Со мерката ќе бидат опфатени сите семејни земјоделски стопанства кои до 15 септември пријавуваат површини за субвенции за лозја и кои произведеното грозје ќе го продадат во домашните регистрирани винарски визби.
Тој нагласи дека со мерката од владината програма се ветуваше 20 проценти зголемување на субвенции по хектар и дека 10 проценти од тие 20 ги реализираат уште во првата година и на самиот почеток на мандатот.
