Единаесет наставници во училиштата во Газа управувани од Обединетите нации и 30 ученици се убиени во насилството, соопштија ОН вчера вечерта.
Според ОН, повредени се тројца наставници и осум ученици.
Најмалку 1.000 куќи во Газа се уништени, а 560 станаа непогодни за живеење, 220.000 луѓе бараат засолниште од воздушни напади, соопшти ОН.
Во Газа има 92 училишта на ОН полни со граѓани, бидејќи резервите на храна и вода се намалуваат, а некои вработени работат 24 часа на ден, соопштија ОН.
„На граѓаните им треба заштита. Сакаме да видиме хуманитарен коридор“, рече портпаролот на ОН, Стефан Дужарик.
ОН се во контакт со светските лидери за преминот во Египет, а генералниот секретар Антонио Гутереш телефонски разговарал и со израелскиот премиер.
(Фото: МИА)
