Капетанот Амир Хашми е суспендиран од местото пилот во својата компанија откако во текот на летот одлучил да дремне во бизнис класата и со тоа го загрозил животот на 300 патници, кои летале од Исламабад до Лондон.
Малку време после полетувањето од Пакистан, капетанот отишол да одмори, се завиткал во ќебе и легнал во бизнис класата, за да отспие час-два.
Патниците го фатиле „на дело“ и го овековечиле тој момент, а фотографијата веднаш била споделена на социјалните мрежи.
Поранешниот претседател на влијателната Пакистанска пилотска асоцијација е суспендиран од страна на компанијата ПИА и моментно за случајот се спроведува истрага, пишува Дејли Меил.
Нормално е пилотите на долги летови да имаат пауза за одмор и во многу авиони постојат посебни кабини за тоа зад кокпитот, со телефон, за да може веднаш да се повика во вонредни ситуации.
Паузите обично не траат долго и капетанот мора на сите да им остави детални упатства и да ја пренесе својата должност на друг пилот.
Таквите „дремки“ се дозволени само ако на летот има два пилоти.