Еден комплетен оброк за двајца во Даблин сега чини повеќе отколку во Париз, Лондон или Рим.
Откако угостителскиот сектор беше силно погоден од затворањата за време на пандемијата на Ковид, ирската влада соопшти дека пониската стапка на ДДВ од 9 отсто, во однос на 13,5 отсто, ќе продолжи до септември во обид да помогне за продолжување на закрепнувањето.
И покрај кризата на трошоците за живот која е во тек, потрошувачите во Ирска продолжуваат да трошат во ресторани.
Како и Луксембург, оброк од три јадења во ресторан чини во просек 80 евра за двајца во главниот град на Ирска.
Даблин ги надмина Лондон (78,05 евра), Рим (70 евра) и Париз (60 евра), додека Копенхаген беше на врвот на листата со просечна цена од 107,32 евра за двајца.
Списокот беше објавен откако ирската влада потврди дека ќе продолжи со пониска стапка на ДДВ од 9 отсто за угостителскиот сектор до септември.
Елејн Фицџералд Кејн, претседател на Ирската конфедерација на туристичката индустрија, изјави за РТЕ дека стапката од девет проценти е клучна за да се овозможи закрепнување на секторот после карантинот во ерата на ковидот.
„Враќањето на стапката на ДДВ од 13 отсто ќе загрози 24.000 работни места“, рече Фицџералд Кејн.
И покрај кризата на трошоците за живот и растот на инфлацијата минатата есен, потрошувачката во рестораните продолжи и всушност се зголеми.
Некои потрошувачи одлучија да ги зауздаат дневните трошоци за да заштедат за послободна потрошувачка, за брза храна и ресторани.
(Фото: „Гети Имиџис“ / Холдер Леје)
