Претседателката на Собранието на Меѓународниот сојуз Агапи Дика денеска дојде во Обвинителството за организиран криминал да даде исказ во врска со случајот „Рекет“.
Во Обвинителството се очекува денеска да сведочи и бизнисменот Зоран Азманов.
Изминатиот период во врска со овој случај во Обвинителството за организиран криминал сведочеа бизнисменот Силјан Мицевски, водителката Лила Филиповска и пратениците Фросина Ременски и Александар Кирацовски.
Во случајот „Рекет“ што го отвори Обвинителството за организиран криминал осомничени се сопственикот на 1ТВ Бојан Јовановски и Зоран Милевски-Кичеец, како и специјалната јавна обвинителка Катица Јанева.
Сите тројца се во притвор.
