Луѓето од организацијата за заштита на животните „ПЕТ“ забележале нешто сомнително за време на пробата на роденденската парада за кралицата.
Тие рекоа дека коњот на принцот Вилијам морал да ја спушти главата за време на пробата на парадата бидејќи бил повреден. Воените ветерани, пак, тврдат дека коњот изгледал „дрогирано“.
Војводата од Кембриџ јавал на кралскиот коњ по име Џорџ, кој цело време одел со наведната глава. Потпретседателката на „ПЕТ“, Елиса Ален, во врска со ова рече дека понекогаш коњите ги спуштат главите или се движат чудно кога се со некакво воспаление или се повредени.
Сепак, и покрај тврдењата на „ПЕТ“, сè уште ништо во врска со состојбата на коњот не е извесно.
„Бидејќи коњите, вклучително и оние што се користат за трки, се силни и лесно се плашат од бучава и неочекуван метеж, што може да доведе до тоа да избегаат, познато е дека оние што раководат со нив им даваат седативи на животните пред јавните изложби, што е сигурен знак дека не треба да бидат воопшто изложени на големи паради“, вели Елиса Ален.
Таа заклучи и дека коњите воопшто не треба да бидат изложени на таков ризик.
„Како што поминаа деновите на користење на коњите за војна, така треба да има денови на ставање на овие големи, често нервозни животни, во ситуации кои можат да ги исплашат, а со тоа да се стават себеси, јавачот и јавноста на ризик од повреда.
Две лица морале итно да бидат пренесени во болница, а на три им била потребна лекарска помош откако штандот се урнал за време на пробата на парадата.
Да потсетиме, на роденденот на кралицата на 2 јуни, војниците на нејзината Домашна дивизија маршираат и јаваат на Парадата на коњичката гарда, а таа најчесто присуствува и поздравува.
(Фото: ЕПА)
