Вредноста на акциите на „Модерна“ вчера порасна за повеќе од 11%, откако проструи информацијата дека биотехнолошката компанија со германски „Мерк“ ќе развие и продаде персонализирана вакцина против рак.
Акцијата на „Модерна“ беше најголем добитник во составот на СиП 500 индексот околу пладне, а пак таа на „Мерк“ само малку се промени.
Вакцината, базирана на нејзината мРНА технологија, која се проучува во комбинација со препаратот на „Мерк“ за лекување на пациенти со високоризичен меланом, најсмртоносната форма на рак на кожата, е во втора фаза на испитување.
Компаниите очекуваат дека ќе можат да објават подетални информации во четвртиот квартал од оваа година.
Вакцината на „Модерна“ е дизајнирана да го покрене имунолошкиот систем за да активира „Т-клетки убијци“ кои се насочени кон специфични мутации во туморите на пациентот.
„Кејтруда“ (Keytruda), производот на германскиот фармацевтски гигант, е моноклонално антитело, кое се дава како инјекција, е за да не дозволи одредени клеточни протеини да ги спречи Т-клетките да напаѓаат.
Компаниите првично склучија договор во 2016 година, но „Мерк“ сега ја користи својата опција преку исплата на 250 милиони долари на „Модерна“.
„Мерк“ ќе соработува во развојот и комерцијализацијата на производот.
Компаниите подеднакво ќе ги поделат сите трошоци и добивки.
