Три екипи обезбедија своето учество во плејофот на кошаркарската Евролига по 23-тиот круг.
Реал Мадрид и ЦСКА Москва се приклучија на лидерот Фенербахче во елиминациската фаза на турнирот.
Реал Мадрид го победи Баерн Минхен со 91:78 и запиша 18-ти успех сезонава.
Тимот е втор во пласманот со ист број поени со третата ЦСКА Москва.
Серхио Љул постигна 15 поени и 7 асистенции за Реал Мадрид.
Ентони Рандолф, Џеси Керол и Габриел Дек завршија со 13 поени.
Данило Бартел беше најдобар за Баерн Минхен со 14 поени и 5 скока.
Лидерот Фенербахче го освои турското дерби против Дарушафака со 97:75 и ја запиша 20-тата победа од почетокот на сезоната.
Боби Диксон и Марко Гудуриќ завршија со по 16 поени за Фенербахче, Никола Калиниќ додаде 15.
Мајкл Ерик беше најпрецизен за Дарушафака со 14 поени и 6 скока, а Занис Пејнерс постигна 13.
Резултати од Евролига, 23 коло:
Дарушафака (Турција) – Фенербахче (Турција) – 75:97
Жалгирис (Литванија) – Будуќност (Црна Гора) – 84:76
Панатинаикос (Грција) – Химки (Русија) – 94:85
Реал Мадрид (Шпанија) – Баерн Минхен (Германија) – 91:78
На табелата води Фенербахче со 20 победи и 3 порази, пред Реал Мадрид
со 18-5, ЦСКА Москва со 18-5, Анадолу Ефес со 15-8, Барселона со 14-9,
Армани Милано со 12-11, Олимпијакос со 12- 11 итн.
