Џиновски рубин од 55,22 карати, наречен „Estrella de Fura“, најголемиот досега понуден на аукција, беше продаден денеска во Њујорк за 34,8 милиони долари, што е рекорд за скапоцен камен, објави аукциската куќа „Сотби“.
Исечен и обликуван во груб камен од 101 карат откриен во септември во рудник во Мозамбик управуван од „Фура Гемс“ (Fura Gems), рубинот беше ѕвезда на продажбата на дијаманти во која беа вклучени 100 други скапоцени камења.
Почетната цена на беше 21 милион долари, но анонимен купувач понуди рекордни 34,8 милиони долари. Претходно, најскап беше рубинот од 25,59 карати од Мјанмар, продаден за 30,33 милиони долари. Таа продажба беше во 2015 година во Женева, исто така организирана од „Сотби“.
Пред продажбата, рубинот беше изложен во Хонг Конг, Тајпеј, Сингапур, Женева, Дубаи и Њујорк.
На истата аукција беше продаден и реткиот розов дијамант од 10,57 карати „The Eternal Pink“ за 34,8 милиони долари. Тоа е исто така одлична цена за дијамант од таа боја.
