Оваа година во затворите ширум светот имало 533 новинари, што е за 45 повеќе од минатата година (488), кога веќе беше пријавено историското ниво, се вели во годишниот извештај на Репортери без граници.
Во пораст е и бројот на убиени новинари (57), пред се поради војната во Украина, во споредба со 2021 година (48) и 2020 година (50).
Повеќе од половина од затворените новинари во светот на 1 декември се во Кина (110), Мјанмар (62), Иран (47), Виетнам (39) и Белорусија (31).
Иран е единствениот што не беше на таа црна листа минатата година, посочува невладината организација која го објавува годишниот извештај од 1995 година.
Од почетокот на протестите во септември, Иран затвори број на медиумски работници невиден во последните дваесет години.
Новите триесет и четворица новинари им се придружија на тринаесеттемина кои и пред протестот беа зад решетки.
„Диктатурата и авторитарните режими забрзано ги полнат затворите со новинари“, предупреди Кристоф Делоар, генерален секретар на невладина организација за заштита на слободата на медиумите.
Меѓу затворените, новинари оваа година има 78, најмногу досега, лани беа 60.
„Од затворениците, речиси 15 отсто сега се новинарки, а пред пет години имаше 7 отсто“, велат од „Репортерите“.
(Фото: „Дојче Веле“)
