Првото рочиште за случајот „Сопот“, откако Специјалното јавно обвинителство (СЈО) го презеде предметот, е одложено за 9 октомври.
Причина за одложувањето е службено патување на судијката Дијана Груевска – Илиевска која го води предметот.
Случајот „Сопот“ е од 2003 години, кога двајца полски војници и еден македонски државјанин загинаа, откако теренско возило на НАТО нагази на мина. Дванаесет лица од селото беа осудени на затвор, заради тероризам, но од прислушуваните материјали објавени во 2015 година беше утврдено дека не постоеле силни докази за пресудата.
Овој судски процес имаше неколку преотворања, а за целиот случај беше формирана во Собранието и посебна комисија што требаше да ја преиспита судската одлука, но и да го истражи целиот случај.
Главен доказ во целиот случај беше тврдењето на сведокот Рамадан Бајрами дека исказот го дал по жестока тортура од полицијата.
