Еден американски и двајца руски космонаути слетаа во средата во централен Казахстан откако ја напуштија Меѓународната вселенска станица (ISS), во истата капсула и покрај засилениот антагонизам меѓу Москва и Вашингтон поради конфликтот во Украина.
.@Astro_Sabot and cosmonauts Anton Shkaplerov and Pyotr Dubrov landed back on Earth inside the Soyuz MS-19 crew ship today at 7:28am ET. More… https://t.co/i9QtpYxWGE pic.twitter.com/EazuiF9Ejr
— International Space Station (@Space_Station) March 30, 2022
Летот, во кој беа вклучени Американецот Марк Ванде Хеи и Русите Антон Шкаплеров и Пјотр Дубров, беше внимателно следен за да се утврди дали ескалацијата на конфликтот се прелеа во долгорочната вселенска соработка меѓу двајцата поранешни противници од Студената војна.
.@Astro_Sabot is back on Earth after a NASA record-breaking 355 days in space! Next he will fly from Kazakhstan and return to his @NASA_Johnson home base in Houston 24 hours later. pic.twitter.com/S4ZmLlBTlM
— International Space Station (@Space_Station) March 30, 2022
Руската вселенска агенција Роскосмос објави снимка од слетувањето во казахстанската степа и соопшти дека е испратена група технички и медицински експерти да им помогнат на астронаутите да излезат од капсулата.
Ванде Хеи, кој ја завршува својата втора мисија на Меѓународната вселенска станица на 55-годишна возраст, постави американски рекорд од 355 последователни денови во орбитата, надминувајќи го претходниот рекорд од 340 дена поставен од астронаутот Скот Кели во 2016 година, според НАСА.
Рекордот на сите времиња за најдолг престој во вселената го постави рускиот космонаут Валериј Пољаков, кој помина повеќе од 14 месеци на вселенската станица Мир.
