Академикот Влада Урошевиќ, сликарот Исмет Рамиќевиќ, кардиохирургот Сашко Јовев и професорот Африм Османи се годинешни добитници на државната награда „Св. Климент Охридски“.
Оваа награда е највисоко признание за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност од јавен интерес во државата.
Урошевиќ и Рамиќевиќ се наградени во областа на културата и уметноста, д-р Јовев во областа на здравството, а универзитетскиот професор Османи во областа на воспитанието и образованието.
Наградите ќе им биде врачени на Денот на Свети Климент Охридски, 8 Декември, во свечената сала на Собранието.
(Фото: МИА)
