Соопштение за јавност
Процесот на интеграција во ЕУ, обезбедува позитивна трансформација и придобивки за граѓаните и државата.
Република Северна Македонија, од ЕУ добива 100 милиони евра макрифинансиска помош со кои Унијата го поддржува планот на нашата држава за справување со енергетската криза и реформите важни за евроинтеграцискиот процес.
Новите 100 милиони евра од ЕУ, ќе бидат поддршка за фискалната одржливост и структурните реформи за фискално управување, даночната политика, управувањето со јавните инвестиции, јавно-приватните партнерства, деловното окружување, транспарентноста во државната помош, енергетската ефикасност, реформите во судството, како и борбата против корупцијата.
Ваквата поддршка е само последна во низата финансиска помош на ЕУ кон нашата држава.
Претходно, македонската држава доби и 60 милиони евра преку ИПАРД 2 програмата, нови, неповратни 97 милиони евра на располагање преку ИПАРД 3 програмата за модернизација на македонското земјоделство; 160 милиони евра за помош во ублажувањето на економските последици од пандемијата, како и грант од 80 милиони евра за справување со енергетската криза.
ЕУ останува најсилниот и најпосветен партнер на нашата држава.
Затоа, процесот на интеграција кон ЕУ, мора да продолжи и затоа е важно реформите да продолжат, преку носењето на потребните уставни измени.
Секој пратеник, секој политички субјект има обврска и одговорност да даде поддршка на измените на Уставот со кои ќе направиме сериозен исчекор кон реализација на стртатешката цел – полноправно членство во ЕУ, велат од партијата.
СДСМ
