Американската компанија „Боинг“ информираше денеска за пад на кварталниот профит за 53 проценти, што е последица од приземјувањето на нејзините најпродавани авиони „737 MAX“, после две трагични несреќи на тие летала во кои животите ги загубија повеќе стотици луѓе.
Оперативната добивка на компанијата во третиот квартал потона на 895 милиони долари, или на 1,45 долари за акција, во однос на 1,89 милијарди долари или 3,58 долари по акција една година порано, пренесува агенцијата Ројтерс.
Компанијата во споменатиов период забележала негативен готовински тек од 2,89 милијарди долари, во однос на позитивниот „кеш флоу“ од 4,10 милијарди долари пред една година.
