Земјотрес со магнитуда од 7,9 степени ја погоди денес Папуа Нова Гвинеја, соопшти Американскиот геолошки институт.
Веднаш по земјотресот, во таа област во Пацификот следуваше тревога за цунами, но потоа истите беа отповикани од страна на надлежните служби затоа што заканата од таква елементарна непогода поминала.
Потресот се случил околу 15.30 часот по локално време (5.30 по централноевропско време) на 40 километри западно од Пангуне, во Папуа Нова Гвинеја, на длабочина од 153 километри, наведоа од американскиот институт.
Институтот проценува дека е можно да се направени умерени штети на островот Бугенвил.
Центарот за тревога од цунами на Пацификот првично предупреди дека се можни опасни бранови во некои крајбрежни делови на Папуа Нова Гвинеја и соседните Соломонски острови, но подоцна тревогата е повлечена.
Во Папуа Нова Гвинеја се случи земјотрес со иста магнитуда (7,9 степени) во средината на декември но не беше направена никаква штета.
Архипелагот е во југозападниот дел на Пацификот и се наоѓа во „Огнен прстен“, територија подложна на сеизмичка активност.
