Со трендот на затоплување, сè почестите и сериозни топлотни бранови и поплави во Европа и сè подолгите и потопли лета, условите за ширење на инвазивни видови комарци кои носат болести стануваат поповолни, предупреди денеска Европскиот центар за превенција и контрола на болести (ЕЦДЦ).
Видот на комарци Aedes albopictus, познат преносител на вирусите чикунгуниа и денга, се етаблира кон север и на запад во Европа, истакнува ЕЦДЦ. Грозницата денга обично предизвикува ненадеен почеток на висока температура, главоболка, мијалгија, артралгија, лимфаденопатија и осип.
Комарецот Aedes aegypti, за кој е познато дека ги пренесува вирусите на денга, жолта треска, чикунгуниаа, зика и оној „западнонилскиот“, се одомаќими на Кипар од 2022 година и може да продолжи да се шири во други европски земји.
Европа се соочува со тренд на затоплување каде топлотните бранови и поплавите стануваат се почести и посилни, а летата стануваат подолги и пожешки.
Ова создава поповолни услови за инвазивни видови комарци како што се Aedes albopictus и Aedes aegypti.
Пред десет години, во 2013 година, комарецот Aedes albopictus беше населен во 8 земји на ЕУ. Оваа година комарецот е присутен во 13 земји.
„Во последниве години видовме географско ширење на инвазивни видови комарци во претходно незафатени подрачја во ЕУ“, вели Андреа Амон, директорка на ЕЦДЦ.
„Ако вака продолжи, можеме да очекуваме повеќе случаи, дури и со смртни последици, од болести како што се денга, чикунгуња и Западнонилска треска. Напорите мора да се насочат на начините за контрола на популацијата на комарци, зголемување на надзорот и спроведување на мерки за лична заштита“, истакна Амон.
Во 2022 година, во ЕУ беа пријавени 1.133 случаи на инфекции од комарци кај луѓе, а од нив 92 беа со смртни последици од инфекцијата.
Италија пријави 723 случаи, Грција 286, Романија 47, Германија 16, Унгарија 14, Хрватска 8, Австрија и Франција по 6, Шпанија 4 и Словачка и Бугарија по 1.
