Користењето на вештачка интелигенција е речиси двојно зголемено во последните шест месеци.
Според извештајот за трендови на работното место за 2024 година на технолошкиот гигант Мајкрософт и деловната мрежа Линкедин три четвртини од луѓето на работа ја користат вештачката интелигенција.
„Вработените сакаат да користат вештачка интелигенција на работа и нема да чекаат компаниите да ја воведат“, стои во наодите на извештајот.
Иако речиси четири петтини од раководителите се согласуваат дека имплементацијата на вештачката интелигенција е клучна за останување на конкурентноста, 60 отсто велат дека на нивната фирма и недостасува визија и планираат да ја спроведат.
„Вештачката интелигенција им овозможува на вработените да направат повеќе и да ги отстрануваат ограничувањата на патот на нивната кариера. Нејзиното користење им помага на корисниците да заштедат време, да се фокусираат на најважните задачи, да станат покреативни и повеќе да уживаат во работата“, напишале авторите на истражувањето во кое учествувале 31.000 луѓе од 31 земја.
Луѓето сакаат да се образуваат во подрачјето на вештачката интелигенција, а знаењето од оваа област исто така се повеќе се наведува како една од нивните вештини.
Линкедин забележа 142 пати поголем број на професионалци кои ги додале овие вештини на своите профили. При вработување, важно е и знаењето од областа на вештачката интелигенција, бидејќи според анализите, повеќето менаџери не би вработиле лице кое нема вештини во таа област.
