Четириесет и петгодишен маж сексуално ја вознемирувал ќерка си од нејзината шеста година. И таа агонија меѓу четирите ѕида од собата во нивниот дом во едно место во централна Хрватска траела се до август минатата година, цели 11 години, кога таткото-монструм завршил во истражен затвор.Истрагата открива ужаси од кои се смрзнува крвта во жилите.
Од 2013 година до лани, на штета на својата ќерка, која денес има 17 години и целосно уништена психа, извршил 341 гнасно кривично дело сексуална злоставување и искористување на дете, меѓу кои се блудни работи и силувања и кршење на правата на детето, пренесуваат хрватските медиуми.
Жртвата преку разговори во низа институции ги опишала страдањата и болките кои ги доживеала до граница на издржливост, а обвинетиот маж од првиот до последниот момент се бранел со молчење.
Еден Жупаниски суд детално ги анализирал сите докази и го осудил, неправосилно, обвинетиот на 23 години затвор.
Како олеснителна околност судот ја земал предвид неговата неосудуваност, додека отежителен факт е тоа што тој во подолг временски период вршел дела на штета на сопственото дете и притоа покажал голема количина на криминална волја.Од татко и се плашеле затоа што тој и се заканувал дека, ако некому му каже што и прави, ќе ги убие и неа и мајка и, но и дека на мајка и ќе и ги покаже нејзините цртежи на ликови во сексуални пози.
Покрај сето тоа и ја ограничил комуникацијата со другарките, ја спречувал да оди на гинеколог и ја терал да посетува куќи проповедајќи вера.
Откриено е и дека го прекинал лекувањето на детето во установа, но и дека навечер во доцните часови во нивниот дом инсистирал да работи машината за перење алишта за, со бучавата, да го прикрие злоставувањето. Кај мајката на жртвата, пак, изостанал трауматизирачкиот афект од инцестуозната ситуација затоа што таа, наводно, ништо не знаела, но и дека нејзиниот сопруг, кој инаку има проблеми со алкохолот, бил снаодлив и итар.
