Од 3 до 9 јануари 2022 година, Фокс Њус (FOX News Channel) беше водечка кабелска мрежа во САД, бидејќи Си-Ен-Ен доживеа неверојатен пад, губејќи речиси 90 отсто од својата публика од почетокот на 2021 година во повеќе категории. Оваа информација со доза на исклучителна радост ја објави токму Фокс њус.
Си-Ен-Ен просечно имаше по 2,7 милиони гледачи од 4 до 10 јануари минатата година, бидејќи мрежата имаше краток пораст по претседателските избори, но минатата недела падна на само 548.000 просечни гледачи, што е неверојатен пад од 80 отсто од вкупната публика годишно.
Фокс Њус во првата недела од оваа година имаше просек од 1,4 милиони гледачи, што е за 15 отсто помалку од првата цела недела од 2021 година, кога следеше циклус на вести што вклучуваше немири во Капитол.
Фокс Њус сега ги надмина Си-Ен-Ен и МСНБЦ, вкупно 21 недела по ред. Ги надмина и оние 1,1 милиони на ЕСПН, гледачи на НФЛ лигата, и заврши како најгледаната темелна кабелска опција.
Неверојатниот пад на Си-Ен-Ен е уште полош меѓу популацијата на која целат огласувачите, возрасните на возраст од 25 до 54 години, бидејќи либералната мрежа изгуби 86 отсто од гледачите и минатата недела заврши со само 113.000 просечни гледачи во таа клучна категорија, после просекот од 822.000 пред една година.
Меѓу гледачите на возраст од 18 до 49 години, Си-Ен-Ен изгуби речиси 90 отсто од својата публика во 2021 година и падна од 624.000 помлади гледачи на скудни 73.000.
Голем пад на МСНБЦ
И MSNBC, исто така, загуби значителна гледаност во споредба со истата недела минатата година, губејќи 67 отсто од вкупната публика, 80 отсто во клучната популациска група и 83 отсто кај младите.
МСНБЦ во просек имаше само 88.000 гледачи меѓу огласувачите во примамлива група и заврши дури и зад Си-Ен-Ен, кој во оваа категорија исто така не блеска. Фокс Њус ги уништи двете либерални опции со 223.000 просечни гледачи во клучната демографска категорија и задржа најмалку 65 проценти од гледачите во сите вкупни дневни категории.
Проблемот на Си-Ен-Ен за привлекување гледачи преовладуваше во ударниот термин од 8 до 23 часот, кога падна од вкупно 4,2 милиони гледачи во првата недела од 2021 година на само 705.000 минатата недела, што е намалување за 83 отсто. Телевизијата, исто така, загуби 89 отсто од своите гледачи во ударниот термин меѓу клучните групи и неверојатни 91 отсто од гледачите на возраст од 18 до 49 години.
МСНБЦ изгуби 66 отсто од вкупниот број гледачи во ударниот термин, 81 отсто од популацијата на возраст од 25 до 54 години и 84 отсто кај помладите, додека Фокс њуз задржа најмалку од гледачите, 55 отсто, во ударниот термин во сите категории.
„5“ (The Five) минатата недела заврши како најгледана кабелска телевизија, со просечни 3,4 милиони гледачи. „Такер Карлсон Тунајт“ (Tucker Carlson Tonight), пак, беше најгледаното шоу со просечни 561.000 гледачи во клучната категорија на гледачи.
Фокс: Американците му свртеа грб на Си-Ен-Ен
Минатата година, на 7 јануари, Си-Ен-Ен се пофали со известување за бунтот во Капитол што резултираше со најгледан ден во историјата на оваа либерална телевизиска мрежа.
Многу набљудувачи го исмеваа Си-Ен-Ен затоа што твиташе за успехот во гледаноста во текот на денот, кој презентерите на Си-Ен-Ен редовно го нарекуваат еден од најтемните денови во историјата на САД, но вкупната гледаност на годишнината од немирите покажува дека Американците во меѓувреме му го свртеа грбот на Си-Ен-Ен, пишува Фокс Њус.
Си-Ен-Ен имаше просечно 5,3 милиони гледачи на 6 јануари 2021 година, но не успеа да собере 1,5 милиони ниту во еден час од специјална програма на годишнината од немирите. На 6 јануари годинава, телевизијата имаше само 743.000 гледачи, што е пад од 86 отсто.
Најголемиот пад Си-Ен-Ен имаше во популацијата што ја посакуваат огласувачите за време на ударниот термин, кога од просечни 3,2 милиони гледачи минатата година падна на само 206.000 во 2022 година, што е неверојатен пад од дури 94 проценти.
Фокс Њус во просек имаше близу 1,6 милиони гледачи, 2,8 милиони во ударниот термин и 449.000 во ударниот термин во клучните демографски групи, потопувајќи ги така Си-Ен-Ен и МСНБЦ во сите категории на годишнината од нападот на Конгресот. Фокс Њус, исто така, беше лидер и во категоријата – кабелски вести, за време на известувањето за изјавите на американскиот претседател Бајден и потпретседателката Камала Харис, привлекувајќи 1,7 милиони гледачи.
