Билетите за трката за Големата награда на велика Британија, во Силверстон се продадени во рекордно време, најбрзо досега.
Рекорден се очекува да биде и бројот на гледачи на трката во јули. Популарноста на Формула 1 расте од ден на ден, а тоа го потврдуваат и податоците од Британија.
Билетите за Големата награда на Британија, што ќе се одржи на 3 јули на патеката во Силверстоун, се распродадени во рекордно време.
„Сите 142.000 билети се купени“, соопштија организаторите на трката, а ова ќе биде и нов рекорд на посетеност на трката во Силверстоун.
Според организаторите, се очекува да бидат распродадени и останатите два дена, петок и сабота, за кога се планирани тренинзите и квалификациите. Доколку тоа се случи, се очекува рекорден Ф1 викенд во Велика Британија.
„Забележавме неочекувано голема побарувачка за билети за овогодинешната трка, никогаш не сме ги продале сите билети толку рано“, изјави за „Гардијан“ Стјуарт Прингл, директор на трката.
„Го зголемивме капацитетот со додавање на повеќе места и очекуваме на денот на трката да бидат присутни околу 142 илјади гледачи. Доколку продолжи овој тренд, очекуваме сите три дена да бидат распродадени“, додаде Прингл.
