Денеска на традиционалниот хуманитарен пикник се собрани еден милион денари кој седма година по ред го организира Фармацевтската компанија „Алкалоид” АД Скопје.
И оваа година, продолжи традицијата наречена хуманитарен пикник за вработените на кој присуствуваат членовите на нивните семејства и пријателите. Собраните пари ќе бидат донирани на „ Клиниката за детски болести“.
„Нашите пријатели и нивните вработени повторно покажаа дека се хумани, се собравме за она што претставува дел од општествената одговорност на компанијата.
„Тоа е преку собирање средства и овие маички, собравме над 1 милион денари кои ќе ги донираме на клиниката за педијатрија на одделите за епилсепсија и астма“ – изјави Живко Мукаетов, генерален директор на „ Алкалоид “ и претседател на Управниот одбор на компанијата.
Нашата клиника изразува голема благодарност, што токму на овој јубилеј, одлучи донацијата да се даде на нашата клиника. Здравствените установи се многу важна компонента за опстојување и работа се токму овие донации.“ рече Катерина Ставриќ, директорка на Клиниката за детски болести.
Првиот човек на Алкалоид најави дека оваа акција која има целосно хуманитарен белег ќе продолжи и во иднина, а компанијата на ваков начин ќе даде потврда дека се залага за негување на вредностите и хуманоста.
