Британската јавност со нетрпение го чека објавувањето на името на новиот член на кралското семејство. Кејт Мидлтон во понеделникот во болницата „Сент Мери“ во лондон роди здраво машко бебе, а само неколку часови подоцна излезе пред новинарите и на светот му го покажа новороденчето.
Иако имињата на првите две деца Кејт и Вилијам ги објавија после два дена, на иметот на третото јавноста чека веќе четири дена. Во кладилниците најдобро стојат имињата Александер, Артур и Алберт, а се чини дека на администраторите на интернет страницата на кралското семејство им се поткрадна грешка и многумина се уверени дека малиот принц се вика Алберт.
Имено, кога во графата „пребарај“ на службената страница ќе напишете „Принц Алберт“ се појавува известување дека пристапот на таа страница е забранет.
Тие кои се обиделе да ги пребараат поимите „Принц Александер“ или „Принц Артур“ добиле известување дека страницата не е пронајдена.
