Припадниците на АРМ од 1 јануари 2018 година ќе добијат повисоки плати за 10 проценти, најавија министрите за одбрана Радмила Шеќеринска и министерот за финансии Драган Тевдовски, на денешната посета на касарната „Јане Сандански“ во Штип.
„По долги преговори кои што ги водевме и во рамки на Владата и со министерот за финансии успеавме да обезбедиме не само повеќе средства за одбараната во 2018 туку да обезбедиме и доволно средства за сите припадници на армискиот составод јануари 2018 година да добијат зголемување на платата во износ од 10 проценти.
„Тоа се случува после долго време, после неоправдано долго време и со право припадниците на Армијата критикуваат дека во целиот овој период биле заборавени , вели Шекеринска.
Таа рече дека Владата и Министерство сакаат да ја исправат таа неправда и да ги подобрат условите за работа во објектите на АРМ, а со тоа и дека Македонија е определена за членство во НАТО, а кое ќе донесе нови инвестиции и опрема за армијата.
Министерот за финансии, Тевдовски на денешната посета на штипската касарна изјави дека се увериле во лошите услови за работа на припадниците на АРМ.
„Гледаме дека многу години ништо не е инвестирано нашата политика практично на Владата е тоа да се смени. Армијата мора да го добие заслуженото место бидејќи, тоа е дел од нашиот пат она за што се залагаме влез во НАТО.
„Ние го поддржуваме зголемувањето на платите во армијата, бидејќи мислиме дека тоа е важно. Најдиректните чинители, тие кои ќе се борат за влезот во НАТО и кои веќе придонесуваат со различните мисии на НАТО, рече Тевдовски.
