Новак Ѓоковиќ со години е еден од најдобрите тенисери на планетата, а неговата доминација на Вимблдон ја прекина Карлос Алкараз кој го совлада во неодамна одиграното финале.
Во текот на целиот турнир Ноле беше под будното око на британските медиуми и јавност, луѓето во оваа земја го прогонуваа на секој чекор, а не го оставаа на мира ниту по грен слемот во Лондон.
Ѓоковиќ беше главна тема на истражувачката статија на таблоидот „Дејли Мејл“, која се занимаваше со животот на српскиот тенисер.
Британците анализирале што јаде и што прави Новак во текот на денот и дошле до неверојатен заклучок! Да почнеме по ред…
Новинарите на „Дејли Мејл“ се информирале кај докторот Брендон Стабс, направиле и кратко истражување, и дојдоа до заклучок дека Новак Ѓоковиќ е вистинска човечка машина!
Неговиот ден му започнува со чаша топла вода и лимон, кои помагаат за детоксикација на телото.
Веднаш после тоа го чека „чинија на силата“ (пауер боул) која ја смета за главен оброк во денот, а содржи јаткасти плодови, растителни семки, мусли без глутен, бобинки, јагоди, банана и јогурт.
По завршувањето на појадокот следува сок од целер, зелено смути, додека за тоа време се подготвува и нов пијалок од грашок, целер, сок од јаболко, нане, спанаќ и кељ, а двата пијалоци се богати со антиоксиданси.
Ниту после тоа не излегува на терен, туку има две рутини – јога и медитација, кои траат околу 20 минути.
Потоа следува истегнување, како и вежби за дишење кои помагаат за релаксација, за целосно опуштање на телото. Дури кога ќе го направи сето тоа, Ноле излегува на теренот каде почнува да игра тенис.
Ова темпо се обиделе да го следат и новинарите на „Дејли Мејл“, а заклучокот бил следен – кога завршиле еден ден на Новак биле попозитивни за дури 31,5 отсто, посмирени за 24,3 отсто, но и „посериозни“ за 17,8 отсто.
