Дилан не оди ниту во Белата куќа

Овогодишниот добитник на Нобеловата награда за литература, Боб Дилан, нема да го прескокне само доделувањето на наградата во Стокхолм, туку и состанокот со претседателот на САД, Барак Обама.

Американскиот претседател во заминување ќе прими неколку американски добитници на Нобеловата награда пред официјалната церемонија за доделување.

„За жал, Боб Дилан не ќе биде во Белата куќа“, рекол портпаролот на Белата куќа, Џош Ернест.

Ернст наведе дека Дилан не ја навел причината за отсуството, потенцирајќи дека Барак Обама претходно се сретнал со американскиот изведувач и кантавтор и дека уживал во состанокот.

Обама го одликуваше Дилан со претседателски орден за храброст, потсетува агенцијата АП.

bob-dilan

Американскиот кантавтор ја извести Шведската академија дека „сака да може лично да ја прими наградата, но дека тоа поради други обврски, за жал, е невозможно“.

Тој рече дека „останал без зборови“ кога слушнал дека станал првиот музичар кому му е доделена оваа награда и дека „тоа е голема чест “.

На рок музичарот и поетот дадена му е Нобелова награда за литература на 13 октомври со образложување на Нобеловиот комитет дека е награден за „творење на нови поетски изрази во рамки на големата американска поетска традиција“.

Одлуката Дилан да добие Нобелова награда за литература наиде на одобрување, но и на критики од светот на литературата.

Некои писатели наведуваат дека наградата е заслужена и дека песните и поезијата се блиско поврзани.

Други, пак, сметаат дека признанието е незаслужено отишло во рацете на Дилан.