Вардарци со нова победа на гости

Ракометарите на Вардар вечерва ја забележаа осмата победа во Лига на шампионите. Тие во Сегедин го совладаа унгарскиот вицепрвак Сегед со 23-21. Со овој триумф црвено-црните го задржаа првото место во групата Б со 16 бода и се на чекор да обезбедат директен пласман во четврт-финалето.

Вардарци први го отворија мечот со голот на Игор Карачиќ и во првиот дел го диктираа темпото на игра. На двапати имаа предност од три гола 9-6 (во 15 мин.) и 12-9 (во 28 минута), но Унгарците се вратија во игра и на одмор отидат само со еден гол негатива 11-12.

Во вторито дел од натпреварот Сегед брзо израмни, а потоа и да поведе. Во четири наврати имаше и по два гола разлика. Потоа следеше драматична завршница. Пресудни се чини беа двете пресечени топки од Тимур Дибиров.

Прво Вардар поведе со 21-20, а на 75 секунди до крајот повторно ја донесе својата екипа во предност со 22-21.

Точка на победата стави Алекс Душебаев, за триумф од 23-21.

Најефикасни во Вардар беа бековите Дибиров со шест и Душебаев со четири гола, а кај Сегед, Стас Скубе постигна шест гола.