Речиси и да не постои некој кој не сака да ужива на плажа, да се сонча или да се капе во море. Научниците објаснуваат зошто е тоа така и како сонцето, песокот и морската вода влијаат на нашето физичко и психичко здравје.
Неколку студии покажуваат дека поминувањето време на плажа го зголемува чувството на среќа, добро е за општото здравје и ги подобрува мозочните функции. Истражување од Универзитетот Коби во Јапонија покажало дека луѓето кои живеат во куќа со поглед на море се далеку посмирени од останатите, а според друго британско истражување, луѓето кои живеат во близина на морето имаат подобро психичко и физичко здравје.
Морската вода содржи минерали меѓу кои магнезиум, калиум и јод, кои му помагаат на организмот да се избори со инфекциите, а дишењето на воздухот во близина на морето помага за добар сон.
Исто така, самата боја на водата и звуците од брановите делуваат смирувачки.
“Сината боја се поврзува со чувството на смиреност. Звуците кои ги произведуваат брановите помагаат во активирање на парасимпатичкиот систем кој не успорува и ни помага да се опуштиме”, вели доктор Шустер.
Дополнително, умерената изложеност на сонце е примарен начин за синтеза на витаминот Д во организмот кој игра витална улога во одржувањето на целокупното здравје и благосостојба.
