„Спорт Лајф“ обложувалници, ја заокружија годината со резимирање на резултатите од работењето и воедно ги претставија своите највредни и најуспешни вработени во изминатата 2023 година.
Педесет и две лица, вработени од најразлични сектори, беа прогласени за најдобри и се наградени со еднократен износ од 200 евра за својот успех и залагање во минатата година.
„Секоја година го прославуваме успехот и професионалното работење на своите вработени и ги претставуваме нивните резултати. Нивните успеси ни даваат мотив за поставување нови и повисоки цели во работењето за следната година“, истакна Александар Арсовски, менаџер за Човечки ресурси на „Спорт Лајф“.
Најуспешните вработени се оценувани според резултатите во текот на изминатата година, во различни делови на работниот процес, и согласно однапред утврдени критериуми.
„Спорт Лајф“ како водечка компанија во областа на игрите на среќа и спортски обложувалници, постојано вложува во развојот на вработените, преку обуки, тренинзи, стипендирање на студии, доделување редовни бонуси и награди како и можности за кариерно унапредување.
