Ниту самиот Никола Јокиќ веројатно не можел да сонува што ќе му се случи во Портланд.На тоа гостување Денвер Нагетс дојдоа многу желни.И, се чини, со причина. По мечот со Голден Стејт (во кој Нагетс со драматична завршница го нокаутираа актуелниот шампион), успеаја, со само неколку часа сон поради ноќното патување во нивниот град, да ја победат и Оклахома, и тоа со влез на Јокиќ во историјата на НБА.
Се чинеше дека дивизиското дерби со Портланд може да помине со уште една добра партија на Денвер, кој делуваше импресивно во неделата зад нас, но …
Портланд не само што го нокаутираше Денвер, со фантастичните партии на Анферни Симонс (само во третиот период даде шест тројки, и 22 поени во тој период од мечот) и Демијан Лилард, а Јокиќ беше запрен како никогаш досега.
Поконкретно, неговиот учинок од само девет поени (и само четири шута во целиот натпревар!) е најлошото што го имал откако почнаа неговите две едно по друго МВП сезони.
Последен пат на толку ниско кошгетерско ниво на поени беше токму во Портланд, на 27 февруари, но тогашните осум поени (заедно со 18 скока и 11 асистенции) ги постигна во декласирањето на Блејзерси со 32 разлика, па немаше ни причина да се истакнува со кошеви.
Жаргонски речено, во играта под обрачите фантастичната одбрана на поединец понекогаш се нарекува и „апсење“, но овој пат Јусуф Нуркич не беше единствениот што го „уапси“ Јокиќ.
Судискиот критериум беше таков што дури и американските новинари се прашуваа што се случува на паркетот, бидејќи Србинот од одлуките не можеше да се размавне. Во еден момент и самиот почна да се смее за тоа што му прават…
„Јокиќ сега им го дава истото шоу на судиите кои тие му го приредуваа нему. Судиите мора да не го препознаа актуелниот МВП, или едноставно по грешка го заменија со човекот што буквално го замени (во екипата)“, изјави новинарката Џејна Гарсија, осврнувајќи се на критериумите што му одговараа на Јусуф Нуркич, кошаркарот што токму Јокиќ ги истисна од стартната петорка во Денвер, па го смени клубот и замина во Портланд.
„Можам да ви кажам дека судиите апсолутно го држеа Јокиќ надвор од игра на овој меч. Има пет прекршоци, а Нуркиќ глуми како луд дека бил фаулиран“ изјави еден од американските јутјубери кои го следат тимот на Денвер, со прекар „Свипа“.
Како и да е, Нагетси доживеаја болен удар, и тоа можеби и уште поголем од оној кога Денвер беше декласиран во првиот натпревар од, според многумина, најслабиот тим во лигата, Јута.
Никола Јокиќ статистика – сезона 2022/2023
По три одиграни натпревари, Никола Јокиќ има нестварен просек од 24 поени, заедно со 10,7 скока, 9,7 асистенции по натпревар и со 62,5% шут од поле (дури 50% кога се во прашање тројки) и 86,4% од слободни фрлања.
А, кога на тоа ќе се додаде и учинокот против Портланд, неговите просеци паднаа на 20,3 поени, 10,3 скока и 9,5 асистенции.
Распоред на натпревари на Денвер Нагетс
Денвер, во четврток, од четири часот наутро по средноевропско време ќе го пречека Лос Анџелес Лејкерс, а потоа во сабота од 15 часот ќе ја пречека Јута.
Потоа следуваат две гостувања – кај Лејкерси во понеделник од 3.30 часот и Оклахома (петок, 2-ри ноември), а потоа Денвер ќе го пречека Сан Антонио (недела, 3-ти ноември).
(Фото: Макфакс)
