Катарзична исповед“ е насловена изложбата на уметникот Мирјана Крстева Массетти, која ќе биде отворена вечерва со почеток во 19:30 часот во Уметничката Галерија Куманово. Во галеријата ќе бидат прикажани 20 ликовни дела работени во комбинирана техника од нејзиниот најнов ликовен циклус.
„Катарзична исповед“ е магистерскиот ликовен цикус, во кој авторката преку веќе изграден и препознатлив колористичен ликовен израз, текстурата и симболичните, ребусни елементи зборува за патот кон сопствената катарза, за патот кој води кон себеоткривањето, изјави кустосот во Уметничката Галерија, Драгана Спасковска.
Ова е нејзино 26-то самостојно претставување, а во Куманово е трета изложба, по одржаните во 2010 и 2014-та година. Авторката учествувала на бројнигрупни изложби и ликовни колонии во земјава и странство, како и активност на полето на ликовната педагошка дејност.
Таа е дипломирала на Академијата за ликовна уметност во Благоевград, Бугарија, во класата на проф. Борислав Стоев, 2001 година.Основач и член е на Мултимедиа Центар од Гевгелија и член на Друштвото на ликовни уметници на Гевгелија.Член е на ДЛУБ од 2014 година и член е на ДЛУМ од 2010 година. Mагистерски студии на ФЛУ- сликарство, во класата на проф. Благоја Маневски.Изложбата е поддржана од Министерството за култура на Р. Македонија, а во Куманово ќе биде поставена до 15 ноември, годинава.
