Најмалку 13 лица загинаа, додека 45 се водат како исчезнати после поројните дождови кои го погодија западниот дел на Јапонија, каде што предизвикаа поплави и свлечишта, соопштија официјални лица.
Меѓу исчезнатите се лица, за кои се верува дека ги однеле реките и каналите, јави јапонската телевизија НХК.
Десетици луѓе исчезнале во свлечиштата кои ги зафатиле нивните домови.
Од администрацијата на Кјото, едно од најтешко погодените места, велат дека работат на ставањето под контрола на поплавата, со помош на неколку брани.
Наведуваат и дека 250 лица морале да ги напуштат своите домови, како и дека една жртва е идентификувана како 52-годишна жена.
Во Јамагучи, пак, каде што исто така имало обилни дождови, на жителите им е порачано да се придржуваат на предупредувањата за евакуација и брзо да реагираат.
Во одделни области, каде то е издадено предупредување за појава на свлечишта, блокирани се патиштата.
Меѓу исчезнатите се пет лица кои се затрупани со рушевини од куќи во околината на Хирошима.
