Црногорскиот министер за надворешни работи Срѓан Дармановиќ се состана денеска во Ватикан со поглаварот на Римокатоличката црква папата Фрањо и во таа пригода го покани да ја посети Црна Гора.
При средбата со папата, Дармановиќ истакнал дека Црна Гора „исклучително го почитува духовниот и морален углед на Ватикан и неговата активна и конструктивна улога во решавањето на глобалните и политичките, економските, еколошките и други прашања.
Дармановиќ позитивно го вреднувал залагањето на папата за мир, правда и рамноправност меѓу луѓето, за јакнење на улогата на семејството и владеењето на правото и за борба против тероризмот, корупцијата и организираниот криминал, како и активностите на планот на упатување помош на неразвиените држави и на сиромашните.
Папата и Дермановиќ разговарале и за неопходноста за доследно почитување на традионалните општествени вредности и уважување на различностите.
Во текот на посетата на Светата столица, црногорскиот министер се сретнал и со државниот секретар на Ватикан, кардиналот Пјетро Перолин и со монсињор Пол Ричард Галагер, секретар за односи на Светата столица со други држави.
Дармановиќ му врачил на Перолино писмо од црногорскиот претседател на владата, Душко Марковиќ, со кое го повикал во наредниот период да ја посети Црна Гора, што со задоволство било прифатено.
